ເມື່ອບໍ່ດົນມານີ້, ທະນາຄານແຫ່ງ ສປປ ລາວ (ທະນາຄານກາງ) ໄດ້ອອກແຈ້ງການ ສະບັບເລກທີ 424/ທຫລ ບໍ່ໃຫ້ນຳເອົາທະນາບັດ (ເງິນກີບ) ໃບໃໝ່ໄປວາງຂາຍ ຫລື ແລກປ່ຽນ ເພື່ອເອົາກຳໄລ ໃນຮູບແບບຕ່າງໆ ເຊັ່ນ: ວາງຂາຍຕາມຮ້ານຂາຍວັດຖຸມີຄ່າ ແລະ ເຮັດເປັນຕົ້ນກາ ລະພຶກເພື່ອວາງຂາຍ ແລະ ອື່ນໆ. ການກະທຳດັ່ງກ່າວ, ຖືເປັນການກະທຳທີ່ບໍ່ຖືກຕ້ອງ, ຂັດຕໍ່ການ ຮັກສາຄ່າຂອງເງິນກີບ ແລະ ຂໍ້ຫ້າມໃນກົດໝາຍຂອງທະນາຄານ ແຫ່ງ ສປປ ລາວ ສະບັບປັບປຸງເລກທີ 47/ສພຊ, ລົງວັນທີ 19 ມິຖຸນາ 2018.
ກໍລະນີພົບເຫັນຈະຖືກປະຕິບັດມາດຕະການ ຈາກເຈົ້າໜ້າທີ່ຕຳຫລວດຕາມກໍລະນີເບົາ ຫລື ໜັກ ເຊັ່ນ: ພົບເຫັນຄັ້ງທຳອິດ ຈະຖືກກ່າວເຕືອນ ແລະ ເຮັດບົດບັນທຶກເປັນລາຍລັກອັກສອນ, ພົບເຫັນຄັ້ງທີສອງ ຈະຖືກປັບໄໝ 1 ລ້ານກີບ, ພົບເຫັນຄັ້ງທີສາມ ຈະຖືກປັບໄໝ 3 ລ້ານກີບ ແລະ ກໍລະນີສືບຕໍ່ກະທຳ ຫລື ທໍາເປັນອາຈີນ ຈະຖືກປັບໄໝ 20 ລ້ານກີບ.
ແຫຼ່ງຂ່າວ: ຂ່າວສານປະເທດລາວ
No comments:
Post a Comment